PODA SAGU-SAGU MARLANGAN
1. Ingkon masihaholongan ma hamu sama hamu sahat ro dipomparanmu.
2. Naso Tupa dohonon muna naso saama hamu na pitu dohot si tambun raja on, jala songon i nang ho Tambun raja, naso tupa dohonon muna naso saama saina ho, ho dohot haham na pitu on.
3. Hamu na pitu dohot angka pomparan mu na ikkon humolong roham muna di boru ni anggi muna si tambun raja on rodi pinomparna, jala ho pe tambun raja dohot sandok pomparanmu, ikkon humolong rohana di boru angka haham na pitu on.
4. Naso jadi olion ni pinomparmuna na pitu, pomparan ni anggimu si tambun raja jala naso jadi olion pinomparni si tambun raja pomparan ni hahamuna na pitu on.
5. Naso Tupa pungkaon muna bada manang salisih. ia do adong parbadaan dihamuna pitu sahat rodi pomparan muna sandok ikkon anggi muna manang pomparan nama sibahen dame di hamu, mambahem huhum na tikkos jala nasoboi mardingkan, ikkon oloan jala tung sojadi juaon muna. laos songon i ho tambun raja, ia adong parbadaan dipomparanmu sandok ikkon sian pomparan ni haham na pitu on masibaen dame jala sidabu huhum na tikkos naso tupa mardingkan jala naso jadi juaon mu. jala molo adong parbadaan di hamu ro di pomparanmu, naso tupa dohot halak na asing lao pasaehon.
