Ala on takkas do dibahen holong ni rohana tu ibotona siampudan i, na sian tanganna sai manuapi sipanganon, na sian hatana sai mangajari parbinotoan, na sian roha na sai mangapuli sihalungunon. Alai aha ma sidohonon dia ma sisolsolon, naung ditodo roha naso jadi be muba, dang boi hasundatan be na ikkon masa ma na masa. Borhat ma Si Raja Tambun tading ma ibotona Sideang Namora, songoni sude dohot hahana.
Dibagasan lungun ni rohana, gabe tubu ma pandelean di namborutta Deang Namora. Ganup ari sai tangis dinabuni, lupa mangulahon siulaonna, lalap holan na mangandungi, jumotjotan sai hundul martukkuk hian. Ia ro ma omputa Raja Silahisabungan. Dsungguli ma boru sasadana on, asa unang lam porsuk pakilaanna, unang sai tu si be laho rohana, disuruh ma namborutta martonun. Ia na martonun tung ido sada giot ni rohana dohot na nihalomoon na sian sude ulaon. Asa laho tahe arsak na dirohani borukkon ido na niadu ni omputta. Adop tusi, disuru ma sude ibotona mangalului hapas, asa dipapungu nasa godangni godangna, ai na naeng sitonunon ni namboruttai ma ulos tu sude nasida.
Dukkon i, laho ma akka ibotona mangalului hapas jala diboan ma mulak tu huta Lahi. Dipilin namborutta ma hapas na massai bahat on. Gabe sanggulung bonang. Disi diida Omputta Raja Silahisabungan bonang i da holan sanggullung. Disuruh ma muse akka ianakkonna mangalului hapas mangambahi naung adong, alana dihilala rohana dada cukup. Naung adong mambahen na pinitta na laho ma muse akka Omputta obotoni Sideang Namora mangalului hapas on. Ia dung mulak nasdia, diboan ma hapason 7 hali lipat bahatna sian na parjolo binonanna. Ai masing-masing manggandahon godangna sian na parjolo. Alai dang na mardipilin nambouta be hapason gabe bonang. Disukkun Raja Silahisabunga ma aha do ulaning umbahen so diulahon boruna na sinuruhna. Hape bohal nunga be rade. Denggan do dialusi namborutta hatani among nai,"Unang pola guga roham da among e. Tupa do bahenokku na pinitta mi. Hohom ma Omputta huhut ditadinghon borunai asa unang terganggu mangkarejoi partonunan i.
Dung hira-hira marpiga ari, sai hot do bonangi sanggulung jala hapas i dang dipature bahen bonang. Muruk ma omputta jala diulakkon manukkun, tung aha do umbaen so olo hamu inang, boru sasadakku patupa pangidoanhi? Molo na alani roham do sai lungun-lungun, umbaen songoni bah laho ma dainang tu inganan na buni. anggukkon ma disi pojjot roham, aluhon tu mula jadi holso ni tondim, laos tonggohan ma asa dipauba roham. Digora Raja Silahisabunga ma anakna napitu, jala diparentahon asa dipauli sada lopo-lopo diluar ni hutai, laho paringananni Siboru Deang Namora. Mambege hatani amongnai jala mamboto naung dipauli inganan jabu-jabu laho tu imana, lam di sittak ma pakilaan ni namborutta. Diparbaga naung tos rohani among na tu imana, jala di rippu na papulikkon imana do amangna sian bagas nai. Sian na so sidung dope sopo-sopo nunga di dok ibana hatana tu amang nai, "molo na ikkon i nama among, ikkon pulik siboruadi sian sude keluargana, sai anggiat ma nian unang adong panlsolion dipudian. Borhat ma au tu inganan i, jala manang ise na ro sian hamu mandulo, unang lias rohamu molo so marbukka do pintu, jala unang diori molo so maralus hatamu".
Borhat ma imana, diboan ma partonunonna dohot bonang sanggulung. Dipataru Raja Silahisabungan do boruna i topet laho mamasang tarup. Dipaima ma sidung tarup i, jala dung diida denggan inganan i, tinggal ma disi siboru deang namora, mulak ma Raja Silahisabungan dohot anak na Napitu i tu huta Lahi.
Sogot nai diparnakkok ni mataniari, lao do omputta Butar Raja mamboan sipanganon tu soponi namborutta. Ala diida tutup do jabu i, digor ma marhite dituktuki. Dang ro alus sian namborutta, dipeakhon ma indahan dohot loppan na binoannai dijolo ni pintu i. Dipaima ma sahat tu na naeng tonga ari, dang marna adong alus manang tanda-tanda na paboahaon na dibagas do namborutta, mulak ma imana tu huta Lahi. Songoni ma ganup ari sai marganti na lao tu sopo ni namborutta laho mandulo huhut mamboan indahan laho parsarion ni ngoluna. Sai tetap do suda indahan on dipangan, alai dang hea haidaan namborutta i. Diari patolu pulu toluhon sian na maringanan namborutta Sideang Namora di sopo nai, di tikki na ro debangtaja pataru sipanganon laho bohal ni daging ni namborutta i, tarsonggot ma imana. Dibereng herbang dijolo ni pintu i, ulos naune, songon lage na marembas. Marlojong ma imana mulak paboahon na masa i tu omputta Raja Silahisabungan. Pola do hira na diletei begu parikkat nai sampe sude haha anggina dohot hohar sian ulaonna mambege barita na i. Mardongan sukkun-sukkun dibagasin ni roha dohot ate-ate, Rampak ma sude nasida lao tu sopo i, jala tutu songon pinaboani omputta Debang Raja nunga harbe ulos di joloni pintu i. Disuruh ma omputta Loho Raja mangaloppit ulos i, asa boi omputta Raja Silahisabungan manuktuk jala masuk tu sopo i, laho manakkasi boru nai. Dung diloppit ulosi, dipaboa omputta Loho Raja ma na adong sia bilanganni ulos i, jala di suruh Raja Silahisabungan ma asa dibagi sada sahalak be, marsisa ma sada, ditiop omputta ma dungi dituktuk ma pintuni sopo i, huhut digorahon asa dibukka.
Dung dibege siboru Deang Namora soara ni among na manggora, pittor mangaddung ma imana. Dibukka ma pintu ni sopo i laos disuruh ma masuk sude naro i, alai huhut dope sai mangandungi. Mangida rupa dohot leakni borunai, ro ma iluni omputta laos dohot ma tangis sude na ro i. Tubu ma panolsolion di omputta, dihaol ma boru nai huhut tarilu-ilu. Dung denggan hundul nasida, didok omputta Raja Silahisabungan ma panolsolanna, laos dielek ma asa olo mulak muse ti bagas nasida di huta lahi. Alai nunnga putus asa rohani namborutta na ikkon disi nama imana sahat tu ujungni ngoluna. Pola do dohot sude ibotonai mangelek, huhut pasahat hata nasida na massai magoan do nasida i dibagas ni amonga. Dang haunbatan be dang hasiatan be sude elek-elek na ro i, alai anggo namborutta Sideang Namora, dang mangoloi pangidoan i, hot do jala togu tu hata naung pinasahatna dimula ni na asing ingananna tading. Ala songoni nama na ikkon masa, tung pe so tardok panolsolan na adong, rim ma tahi nasida asa mulak tu huta Lahi, alai anggo namborutta na ikkon ma olo mambukka pintu jala ra rohana pajumpang setiap ro akka ibotona mandulo tu sopo nai.
Sian i disukkun ma muse, boasa do gabe sia bilanganni ulos na tinonun nai. Dialusi Siboru Deang Namora ma huhut tarilu-ilu, sada mai tu amangna ualu mai tu ibotona. Ro ma hatani akka ibotonai, ai pitu nam tading di huta, boha do pasahat ulos i tu Tambun Raja? Na ikkon do lao nasida manjumpangi tu Sibisa? Toppu ma so tangisni namborutta i, huhut gogo soaran mandok mangalusi, mulak do muse ibotokku hasianki. Jadi mulak ma Raja Silahisabungan dohot anakna napitu i, andorang haruar nasida sian naposo, gomos ma Siboru Dean Namora maniop tanganni ibotona Loho Raja, huhut dipangido asa imana na mangalehon manang pasahat ulosi haduan ditikki mulak siampudani ima omputta Sitambun Raja. Songoni ma marlanjut siganup ari, sai dipataru ma indahan namborutta siboru Deang Namora. Lam leleng sipata ma indahan i diallang alai sipata do dipasombu dang digortik. Tung i nama lungun ni rohana alani parborhatni Tambun Raja i, hira na manadinghon lubang dipartondianna. Sahat ma tu sada tikki, tog ma omputt Sideang Raja na manjumpangi naung tos do marujung ngolu namborutta i, ditanom ma di ingananna margoar si malas, jala sopo nai ima nuaeng naung dipauli gabe bangunan permanen na digoari parnamoraan.
Sumber : Turi-Turian/Legenda
Molo adong nahurang lobih, marsimaaf-maaf ma hita..
Mauliatte ma di hita saluhutna
salam PSSM
Horas... horas... horas
Manukkun ma au tu admin' au boru haloho' sattabi isahala ni namborru daeng na mora' na holong mariboto' sian tulisan on' I baritahon I suan do bakke ni namboru'I alai adong muse do turi-turianna na mangatahon' ilao do namborrui hu tao' laos manongnong ma dagingna' alai partpndionna sahat tu sadarion tarbarita do na olo mangiring irinh akka anggina akka pinopar ni silahi sabungan. Dia legenda na boi ihuttonon? Horas...!
Manukkun majo au tu penulis' au ginoppar ni Op.Loho Raja / Sihaloho Sinapitu' boasa sampe dangol situtu rohani Op.Silahisabungan mamereng rupani namboru hasiantai ? Nagabe songondia do haroa rupani namborui? Sattabi sangap mu namboru hasianku. Mauliate.
Manukkun majo au tu penulis' au ginoppar ni Op.Loho Raja / Sihaloho Sinapitu' boasa sampe dangol situtu rohani Op.Silahisabungan mamereng rupani namboru hasiantai ? Nagabe songondia do haroa rupani namborui? Sattabi sangap mu namboru hasianku. Mauliate.
Horasma...
Adong do nahurang dituri²an ninamboruta napinasurat ni adminon
Anggo namboruta siboru deang namora na manongnong ditao silalahi do alani macai lunguni pusu² nai dinalao pajupang dohot opputa sitambun raja i.
Jadi ado adung² ni naboruta,hurang lobi songonon:"dukan² sidangolan ma au among...,dina hubege...bati pinar hurungan ni akka tulangi do,humbain so hubotosa
Dainang inag...pangit tubuna dibaen do ibotoki gabe hatoban
Mendele ma au raja bolon...
Manisudutma au dijuguk liang lungun²
Naso habisaran ni mata ni ari,ai rodo...akka ibotoki manaruhon nasa silambok lambok dohot akka itak alai dang tarpangan au...
Umban kubege...barita ni ibotoku namarsiak bage i
Huguguk ma eme na mar boltok ale raja bolon
Huirak ma leang-leang mandi,asa...ditongosma barita ni ibotona namar siak bage on..
Matpina tangi ma mulajadi..nabolon....
Masa..mabdisi bisa i
Naso hea be ro udan..
Marsukkun ma tudatu raja nairasaon ni,datu mangareraki mangarerak mangaturi
Uweh...dihurung...kamu beremu na inna
Mangandung ma da inag i
Dipabotohon ma...
Dibuatma ibotoki raja homa gabe raja itano laos dileanma panguseang mual mataniari..
Muccak ma tutu mual pacaraian
Dang diloas be mulak tusilalahi..
Gabe raja ditano sibisama
Ale acit do pusuk²ku ale raja bolon ale inang soripada...
Acitni borumu na mar siak bage on
Laos naso marpanailik tuiboton
Ai tung bolasma sahali mangida iboto nai tarpaima ma au tong dijuguk liang halungunanki
Roma damong dirorgak ma au
Disorga ma au alani lungunna...
Uwe deak..namora.. ai bosa sai manisurut..to inang
Disulangi ma au amang laos hupa podom-podom ma diabingabingan ni da among...ki
Mandoding ma ho ale among asa boi tarpodom au niku ma tutu
Mandoding ma damog...i laos diapus²ma sitarupanki
Iya sitarupanki nunga mar piu²,songon piu² ni pusuk²ki
Iya dungsidungma...mangadung among ihut..mandoding
Dungo ma ho inang inama tuau
Masursur ma dolok i...upuk mariang i tutu
Mangandung ma damong,ia boru sasada nai nungga lau humadikot umbain lungunni pusuk²nai"
Sekian yg bisa saya sampaikan
Semoga menambah pengetaguan kita tentang cerita namboru kita siboru deak namora
Tabeku tuhamu amantu sian au goparanni anggi doli muna Siraja Tambun(Tambun Raja)
Horasma....
Horasma...
Adong do nahurang dituri²an ninamboruta napinasurat ni adminon
Anggo namboruta siboru deang namora na manongnong do ditao silalahi na bolak alani macai lunguni pusu² nai dinalao pajupang dohot opputa sitambun raja i.
Jadi ado adung² ni naboruta,hurang lobi songonon:"dukan² sidangolan ma au among...,dina hubege...bati pinar hurungan ni akka tulangi do,humbain so hubotosa
Dainang inag...pangit tubuna dibaen do ibotoki gabe hatoban
Mendele ma au raja bolon...
Manisudutma au dijuguk liang lungun²
Naso habisaran ni mata ni ari,ai rodo...akka ibotoki manaruhon nasa silambok-lambok dohot akka itak alai dang tarpangan au...
Umbain kubege...barita ni ibotoku namarsiak bage i
Huguguk ma eme na mar boltok ale raja bolon
Huirak ma leang-leang mandi,asa...ditongosma barita ni ibotona namar siak bage on..
Mapina tangi ma mulajadi..nabolon....
Masa..ma disibisa i
Naso hea be ro udan..
Marsukkun ma tudatu raja nairasaon ni,datu mangareraki mangarerak mangaturi
Uweh...dihurung...kamu beremuna inna
Mangandung ma da inag i
Dipabotohon ma...
Dibuatma ibotoki raja homa gabe raja itano laos dileanma panguseang mual mataniari..
Muccak ma tutu mual pacaraian
Dang diloas be mulak tusilalahi..
Gabe raja ditano sibisama
Ale acit do pusuk²ku ale raja bolon ale inang soripada...
Acitni borumu.. na mar siak bage on
Laos so manailik tuiboton
Ai tung bolasma nian sahali mangida iboto nai tarpaima ma au tong dijuguk liang halungunanki
Roma damong disorgak ma au
Disorgak ma au alani lungunna...
Uweh deak..namora.. ai bosa sai manisurut..to inang
Disulangi ma au amang laos hupa podom-podom ma diabingabingan ni da among...ki
Mandoding ma ho ale among asa boi tarpodom au niku ma tutu
Mandoding ma damog...i laos diapus²ma sitarupanki
Iya sitarupanki nunga mar piu²,songon piu² ni pusuk²ki
Iya dungsidungma...mangadung among ihut..mandoding
Dungo ma ho inang inama tuau
Masursur ma dolok i...upuk mariang i tutu
Mangandung ma damong,ia boru sasada nai nungga lao humadikot umbain lungunni pusuk²nai"
Sekian yg bisa saya sampaikan
Semoga menambah pengetaguan kita tentang cerita namboru kita siboru deak namora
Tabeku tuhamu amangtua sian au goparanni anggi doli muna Siraja Tambun(Tambun Raja)
Horasma....